Вольга Чайчыц падчас стрыму ў Барысаве
Журналістку будуць судзіць за стрым з Барысава.
18 сакавіка ў Барысаве была запланаваная пратэставая акцыя, якая ў выніку так і не адбылася, але пры гэтым міліцыянты затрымалі журналістаў «Белсату» Вольгу Чайчыц і Сяргей Кавалёва, што збіраліся асвятляць падзею.
Пазней на Вольгу Чайчыц быў складзены пратакол паводле арт. 22.9 (парушэнне заканадаўства аб медыях) Кодэксу аб адміністрацыйных правапарушэннях. Сёння адбудзецца разгляд ейнай справы ў судзе Дзяржынскага раёну (па месцы рэгістрацыі журналісткі).
Разглядаць справу будзе суддзя Крупец Сяргей Мікалаевіч.
Раней Вольгу Чайчыц аштрафавалі на 25 базавых велічыняў за стрым з пратэставай акцыі ў Віцебску (25 сакавіка).
У канцы мінулага тыдня дырэктарка «Белсату» Агнешка Рамашэўская-Гузы ініцыявала кампанію па падтрымцы журналістаў каналу, якія трапілі пад рэпрэсіі ў выглядзе затрыманняў і судоў.
Глядзіце таксама:
НМ, belsat.eu
