Святочныя імпрэзы з нагоды дня Перамогі наведалі тысячы менчукоў. Вялікі фотарэпартаж
Тысячы менчукоў наведалі 9 траўня святочныя імпрэзы ў сталіцы, у тым ліку канцэрт на плошчы Перамогі, паведамляе агенцтва «Минск-Новости». Паводле папярэдніх падлікаў МУС, толькі на парад у Менску прыйшлі каля 15 тысячаў гледачоў. Падсумаванне вечаровага святкавання дня Перамогі ў фотарэпартажы Тані Капітонавай.
Сусветная арганізацыя здаоўя, міжнародныя арганізацыі, беларускія эксперты і грамадзянская супольнасць нашай краіны папярэджвалі, што ладзіць масавыя мерапрыемствы падчас небяспечнай эпідэміялагічнай абстаноўкі з’яўляецца рызыкоўным. Але нягледзячы на распаўсюд каронавірусу, улады краіны зладзілі святочныя мерапрыемствы з нагоды дня Перамогі.
Паводле падлікаў МУС, парад наведалі каля 15 тысячаў гледачоў. На канцэрт вечарам 9 траўня на плошчы Перамогі таксама прыйшло шмат гледачоў. Тут усталявалі 300 месцаў для сядзення, якія былі амаль цалкам запоўненыя. Наведалі менчукі і святочны феерверк.
Імпрэзы з нагоды дня Перамогі адбываліся і ў іншых гарадах краіны, на якія прыходзілі гледачы.
СК belsat.eu
