Святлана Ціханоўская апублікавала зварот у падтрымку рабочых БМЗ, якія прынялі ўдзел у пратэстах і трапілі праз гэта пад пераслед.
«Я ведаю, што ўжо дзевяць адважных супрацоўнікаў БМЗ заявілі аб далучэнні да стачцы публічна. Таксама я ведаю, што літаральна кожнага з гэтых дзевяці герояў звольнілі і пазбавілі магчымасці працаваць. Сёння яшчэ на чатырох страйкоўцаў, якія 17 жніўня ў знак пратэсту спынілі печы на заводзе, завялі крымінальную справу. Усё гэта – чарговы доказ таго, што ў рэжыму толькі адзін шлях адступлення: чым больш ён баіцца, тым больш страху спрабуе наганяць на ўсіх нязгодных», – кажа яна ў сваім звароце.
Ціханоўская верыць, што з кожным днём удзельнікаў стачцы будзе станавіцца ўсё больш. «Бо адзінства і салідарнасць з сям’ёй, калегамі, суседзямі і землякамі – наш галоўны і адзіны спосаб усё было лепей. Пасля нашай перамогі ўсё незаконна звольненыя будуць адноўлены на працоўных месцах, а штрафы і тэрміны за грамадзянскую пазіцыю будуць кампенсаваныя».
Ціханоўская заклікала беларусаў падтрымаць БМЗ у ягоным мірным пратэсце.
«Можна звольніць і абвінаваціць дзевяць чалавек, але немагчыма супрацьстаяць усяму народу Беларусі, які сваімі галасамі на выбарах ужо звольніў былога прэзідэнта. У гэтым годзе мы наблізіліся да перамогі як ніколі блізка. Так давайце дапаможам адзін аднаму зрабіць наступны крок, каб пабудаваць нашу агульную новую свабодную Беларусь», – заявіла яна.
ІІ belsat.eu