Кандыдатка ў прэзідэнты Святлана Ціханоўская ў эфіры «Еўрарадыё» адказала на пытанне «Чый Крым?».
Паводле яе, крымскае пытанне падзяляе людзей.
«Можна я скажу так, як прынята казаць, як прынята ў нашай краіне і па міжнародных законах, што юрыдычна Крым украінскі, а фактычна – расейскі. І не мучце мяне больш», – сказала Ціханоўская.
Раней пра стаўленне да праблемы Крыму Ціханоўскую запытала «Медуза». Кандыдатка тады ўхілілася ад наўпроставага адказу:
«Я разумею, што пытанне пра Крым расколвае грамадства. А мне не хацелася б неасцярожным словамі кагосьці адштурхнуць. Тым больш што я не палітык, сваёй галоўнай мэтай я бачу аб’яднанне ўсіх сілаў для вырашэння галоўнай задачы – змены ўлады і правядзення сумленных выбараў. Вось на іх ужо змогуць вылучыцца палітыкі, у якіх будуць выразна пэўныя погляды, праграмы. І на сумленных, свабодных, абсалютна празрыстых выбарах беларусы змогуць выбраць сабе новага кіраўніка краіны», – заявіла кандыдатка.
ІІ belsat.eu
