Напярэдадні новага маршу пратэсту Святлана Ціханоўская заявіла, што мірны пратэст працуе. Яна таксама вітала вызваленне з СІЗА КДБ адваката Іллю Салея.
«Мы спынімся, толькі калі кожны палітычны вязень выйдзе на свабоду, сілавікі пачнуць абараняць свой народ, а ў Беларусь вернецца закон і сумленныя выбары.
А пакуль гэтага не адбылося – мы будзем пратэставаць. Сёння на Партызанскім маршы беларусы зноў пакажуць, што такое салідарнасць. І я падтрымліваю кожнага, хто прыйдзе на гэты марш», – заявіла Ціханоўская.
17.50. Менск. Марш завяршыўся. Людзі павольна разыходзяцца, адчыненыя ўсе станцыі метро. У гэты ж час міліцыянты пачалі хапун, затрымліваюць людзей, якія вяртаюцца пасля маршу.
17.40. Менск. Паводле праваабаронцаў, міліцыянты затрымалі каля 50 асобаў.
17.15. Берасце. У Берасці затрыманы фатограф «Бінокля» і «Брестской газеты» Раман Чмель і кіраўнік берасцейскай філіі БАЖ, пазаштатнік «Брестской газеты» Максім Хлябец
17.10. Менск.
«Зроблена некалькі папераджальных стрэлаў у паветра гумовымі кулямі, пасля таго як агрэсіўны натоўп шпурляў у службовы транспарт і праваахоўнікаў камяні», – паведамілі агенцтву «Интерфакс» у прэс-службе ГУУС Менгарвыканкама.
17.00. Менск. Тэхніка міліцыянтаў, вадамёты рухаюцца па Партызанскім ад універмага «Беларусь» да Ванеева.
16.40. Менск. Фотафакт.
16.35. Берасце. Міліцыянты затрымалі на Савецкай вуліцы як мінімум 5 асобаў.
16.25. Менск. На Партызанскім праспекце ў раёне ўнівермага «Беларусь», людзі заблакавалі шэры бусік міліцыянтаў. З гэтага бусіку выкінулі гранату, каб расчысціць дарогу. У гэтым раёне чутны і іншыя выбухі, перадае наш карэспандэнт.
15.55. Горадня. на вуліцы Кастрычніцкай, што побач з плошай Савецкай, стаяць дзве машыны міліцыі, два аўтазакі, две вайсковыя машыны з байцамі ўнутраных войскаў і адзін аўтобус з амапам. На вуліцы Савецкай шмат людзей, але пакуль затрыманняў няма.
15.30. Менск.
15.15. Горадня. Па вуліцы Савецкай гуляе некалькі соцень людзей, часам пляскаюць у далоні. Падворкі перакрытыя міліцыянтамі. За гарадзенскім гарвыканкамам стаіць вадамёт.
15.15. Менск. Калона міліцыянтаў з аўтазакамі і вадамётам– паехала ў бок станцыі метро Аўтазаводская, паведамляе наш карэспандэнт, які ідзе ў калоне. Сярэдзіна калоны цяпер праходзіць праз перакрыжаванне Партызанскага праспекта і вул. Кашавога. Удзельнікі акцыі скандуюць « Хабараўску – прывітанне!»
15.10 Менск. На Партызанскім праспекце колона людзей. Міліцыянты пачалі затрыманні.
14:47. Менск. Сілавікі забіраюць людзей на Маякоўскага, «Карона-Сіці». ДАІ перакрывае рух на плошчы Ванеева.
14:25. Магілёў. Шмат сілавікоў у цэнтры гораду. Адзінай калоны пратэстоўцаў пакуль няма.
14:22. Па вул. Кастрычніцкай у Менску рушыць калона ў пару соцень чалавек у бок Партызанскага праспекту.
14:21. Берасце. Ад 14-ай гадзіны пачаліся праблемы з інтэрнэтам, шмат хто паведамляе, не грузяцца некаторыя сацсеткі праз мабільны інтэрнэт.
14:20. Горадня. На плошчы Савецкай сёння мусіў прайсці кірмаш, гарадзенцы збіраліся прыйсці і стаць у доўгія чэргі па садавіну ды гародніну на знак пратэсту. Аднак кірмаш адмянілі, плошча ачэпленая, яе пільнуюць міліцыянты, побач некалькі аўтобусаў з АМАПам.
13:53. У Менску адключаюць мабільны інтэрнэт.
13:20. Зачыненыя станцыі метро Плошча Леніна, Кастрычніцкая, Купалаўская, Няміга, Першамайская і Пралетарская. Цягнікі ідуць без прыпынку на гэтых станцыях. Метрапалітэн прыносіць прабачэнні за часовыя нязручнасці.
18 кастрычніка на 14:00 у Менску запланаваны «Партызанскі марш», які мае прайсці ад цэнтру сталіцы да станцыі метро Магілёўская па Партызанскім праспекце.
- Пратэсты ў Беларусі цягнуцца ўжо 3 месяц.
- Паводле падлікаў праваабаронцаў, з пачатку выбараў у Беларусі былі затрыманыя больш за 14 тыс. чалавек, шмат з іх былі збітыя, некаторыя былі згвалтаваныя, па меншай меры 6 чалавек загінулі. Паводле крымінальных справаў затрыманыя больш за 350 чалавек.
АА belsat.eu
