Маці і дзяўчына Фурманава ад 26 ліпеня пачынаюць бестэрміновую галадоўку на знак пратэсту супраць далейшага ўтрымання палітвязня пад вартай.
Пра гэта яны паведамілі ў відэазвароце, дасланым у шэраг недзяржаўных медыяў.
«Мы, Вольга Фурманава і Вольга Каракіна, паведамляем пра тое, што ў 13:00 26.07.2020 па адрасе г. Мінск, вул. Валадарскага, 2, СІЗА №1 аб’яўляем бестэрміновую галадоўку ў знак пратэсту супраць незаконнага затрымання і ўтрымання пад вартай у СІЗА №1 Дзмітрыя Фурманава і іншых палітычных зняволеных па артыкуле 342», – гаворыцца ў звароце.
Бацька Фурманава Аляксандр падтрымлівае іх, аднак галадаваць не можа па стане здароўя – у яго інваліднасць ІІ групы.
Сямʼя Фурманава дамагаецца вызвалення іншых палітвязняў і спынення крымінальнай справы.
***
35-гадовы гарадзенец Зміцер Фурманаў быў затрыманы 29 траўня падчас пікету па зборы подпісаў за вылучэнне кандыдатам у прэзідэнты Святланы Ціханоўскай. Ён быў рэгіянальным каардынатарам. У той жа дзень быў затрыманы сам Сяргей Ціханоўскі і ягоныя паплечнікі.
КА belsat.eu
