Супрацоўнік міліцыі: прагаласаваць да чацвярга, у пятніцу падаць спісы, хто галасаваў датэрмінова

У рэдакцыю belsat.eu даслалі аўдыё-запіс, на якім супрацоўнік міліцыі распавядае свае ўражанні ад удзелу ў датэрміновым галасаванні і тлумачыць, чаму быў вымушаны ісці на выбары раней за асноўны дзень галасавання.

«Я прыязджаю на выбарчы ўчастак <…&gt; стаіць камісія, я даю пашпарт, яны па спісах спраўджваюць, маўляў, бярыце бюлетэнь. Я бяру бюлетэнь, пайшоў, прагаласаваў, зразумела. Гляджу, з адваротнага боку на бюлетэні нібы нехта асадку распісваў, нейкая клякса і ўсё, ні подпісаў, нічога.

Я кінуў бюлетэні ў урну, а ўвечары чытаю, што Ціханоўская звярталася, каб не галасавалі датэрмінова і звяртала ўвагу, што на бюлетэні павінныя быць подпісы чальцоў камісіі, а ў мяне там было нешта не зразумелае, быццам бы нехта распісваў асадку.

Міліцыянт распавядае, як падтасоўваюць вынікі датэрміновага галасавання.

Гэтае аўдыё нам даслалі супрацоўнікі органаў. Міліцыянт распавядае, як падтасоўваюць вынікі датэрміновага галасавання. Асцярожна: нецэнзурная лексіка!

Opublikowany przez Белсат TV Niedziela, 9 sierpnia 2020

У ведамасці я распісаўся, што бюлетэнь атрымаў, так мой бюлетэнь можна ўжо выкінуць спакойна ў сметніцу, дастаць бюлетэнь з подпісамі чальцоў камісіі, паставіць галачку насупраць каго трэба і прагаласаваць.

Нам на працы сказалі, што апошні тэрмін – чацвер. Усе павінныя прагаласаваць датэрмінова. У пятніцу сказалі падаць спісы – хто галасаваў, хто не галасаваў.

Гэтыя выбары цалкам сфальсіфікуюць, бо міжнародных назіральнікаў не дапусцілі, расейскіх не дапусцілі, нашых практычна таксама няма. А ёсць толькі назіральнікі з БРСМ», – распавёў міліцыянт.

АА Belsat.eu

Hавiны