У штаб-кватэры УЕФА ў швейцарскім Ньёне сёння адбылося лёсаванне, пачынаючы з чвэрцьфінальнай стадыі, галоўных футбольных еўракубкавых турніраў – Лігі чэмпіёнаў і Лігі Еўропы. Ужо з гэтага этапу сеяных камандаў не будзе, а клубы з адной краіны змогуць сустрэцца міжсобку.
Спачатку былі вызначаныя пары 1\4-ай фіналу самага галоўнага клубнага турніру Старога Свету. Самай забойнай, безумоўна, выглядае супрацьстаянне «Барсэлона» – «Манчэстэр Юнайтэд».
Першыя матчы 1\4 фіналу пройдуць 9 і 10 красавіка, сустрэчы ў адказ 16 і 17 красавіка.
Першыя матчы 1\2 адбудуцца 30 красавіка і 1 траўня, сустрэчы ў адказ 7 і 8 траўня. Фінал запланаваны на 1 чэрвеня, а яго прыме стадыён «Ванда Мэтрапалітана» у Мадрыдзе.
Далей чарга дайшла да Лігі Еўропы, дзе таксама вылучаецца адная пара. Лёс звёў на гэтым этапе італьянскі «Напалі» ды лонданскі «Арсенал», дуэт, які б пры іншых умовах мог прэтэндаваць і на фінал другога паводле значнасці клубнага турніру Еўропы. Пашанцавала тут лонданскаму «Чэлсі», бо пры ўсёй павазе да чэшскай «Славіі» «арыстакраты» выглядаюць у гэтым супрацьстаянні яўным фаварытам.
Першыя матчы 1\4 пройдуць 11 красавіка, сустрэчы ў адказ 18 красавіка. Двубоі 1\2 адбудуцца 2 і 9 траўня. Фінальны двубой прыме Алімпійскі стадыён у Баку.
Два клубы з Манчэстэру, а таксама з Лондану не змогуць правесці хатніх матчаў у адзін дзень або сумежныя дні. Гэткім чынам, калі іхныя двубоі выпадуць на адзін гульнявы тыдзень, то ў адпаведнасці з правіламі камітэту УЕФА аб клубавых спаборніцтвах каманда, якая фінішавала ў мінулым сезоне ў нацыянальным першынстве ніжэй, павінная будзе адпаведную сустрэчу правесці на выездзе. Магчымыя змены з тых жа прычынаў могуць быць і ў раскладзе паўфіналаў, яны будуць зацверджаныя пасля матчаў 1\4-ай.
Дзмітрый Сухановіч belsat.eu