У Менску і іншых гарадах Беларусі 16 ліпеня працягвалі судзіць затрыманых падчас мірных акцыяў пратэсту 14 ліпеня.
Паводле Праваабарончага цэнтру «Вясна», у Менску 16 чалавек былі пакараныя штрафамі, 13 – адміністратыўнымі арыштамі на тэрмін ад 10 да 20 дзён. Адносна двух чалавек пратаколы накіравалі на дапрацаванне.
У Берасці 7 чалавек былі пакараныя штрафамі, тры чалавекі атрымалі па 15 содняў арышту. Разгляд справа Д. Сарокі быў адкладзены праз ягонае хадайніцтва аб адвакаце. Як даведаліся праваабаронцы, пры затрыманні амапаўцы душылі Сароку, нацягвалі капюшон на галаву, у Сарокі была кроў. Скрываўленыя рэчы, якія маглі б быць доказамі на судзе, прымусілі выкінуць.
Адзін чалавек быў пакараны 15 соднямі арышту ў Пружанах, а ў Барысаве чацвёра аштрафаваныя.
ІІ belsat.eu
