У Клайпедскі порт прыбыло судна «Breiviken», якое прывезла 80 тысячаў тон нарвежскай нафты для беларускага нафтаперапрацоўчага заводу «Нафтан», піша interfax.
«Судна з 80 тысячамі тон нарвежскай нафты для Беларусі ўчора прыбыла ў Клайпедскі порт, цяпер вядзецца яго разгрузка».
Чакаецца, што нарвежская нафта паступіць на «Нафтан» на пачатку наступнага тыдня.
У Клайпедскім порце нафту пагрузяць у чыгуначныя цыстэрны праз тэрмінал «Klaipedos nafta», а да беларускай мяжы яе даставіць «LG Cargo», якое з’яўляецца даччыным прадпрыемствам літоўскай чыгуначнай кампаніі «Lietuvos gelezinkeliai».
Дакладны кошт нарвежскай нафты пакуль не вядомы. Але пастаўка нафты з Клайпеды ў напрамку Наваполацкага НПЗ абыдзецца Менску значна даражэй за імпарт па нафтаправодах – перавалка і транспарціроўка да завода па чыгунцы будуць каштаваць звыш $ 20 за тону.
Беларускія НПЗ працуюць пры мінімальнай загрузцы з 1 студзеня 2020 года. З пачаткам новага года Расея спыніла пастаўкі нафты ў нашу краіну, паколькі мінулагодняя дамова закончылася, а новую так і не падпісалі. Лукашэнка і Пуцін па выніках перамоваў у мінулым годзе так і не дамовіліся пра кошты на сыравіну для Беларусі. Цяпер нафту з Расеі на беларускія НПЗ пастаўляюць кампаніі групы «Сафмар», падкантрольнай алігарху і сябру Аляксандра Лукашэнкі Міхаілу Гуцэрыеву. Вядома, што ў студзені наша краіна атрымае каля 750 тысячаў тон нафты, што дазволіць загрузіць НПЗ усяго толькі на палову магутнасцяў.
На тле гэтага кіраўнік Беларусі запатрабаваў ад чыноўнікаў знайсці альтэрнатыву расейскай нафце. У выніку Беларусь спынілі экспарт нафтапрадуктаў, каб эканоміць рэсурсы для ўнутраных патрэбаў.
Беларускія НПЗ да гэтага часу працягваюць працаваць на мінімальнай загрузцы, якая дазваляе забяспечваць толькі тэхналагічны цыкл нафтаперапрацоўкі.
СК belsat.eu
