Суд стаў на бок жыхароў сталіцы, магілы сваякоў якіх Спецкамбінат камунальна-бытавога абслугоўвання пашкодзіў у межах добраўпарадкавання. Суд Фрунзенскага раёну пастанавіў, што прадпрыемства павіннае кампенсаваць тром пазоўнікам маральную шкоду, падае «Tut.by».
Спецкамбінат, які адказвае за Вайсковыя могілкі, летась знёс тут дзясяткі старых крыжоў і надмагілляў. Замест іх на магілах усталёўваліся гэтак званыя «падгалоўнікі».
Камунальнікі заяўлялі, што зносяць толькі тыя помнікі, якія знаходзяцца ў занядбаным стане.
Менчукі Данат Яканюк, Ірына Маркевіч і Анжэліка Сяргеева, на магілах сваякоў якіх былі знесеныя крыжы і агароджы, разам з валанцёрамі звярнуліся са скаргай у суд.
Падчас судовага працэсу выявілася, што надмагіллі прынамсі дзвюх з трох могілак не лічыліся трухлявымі.
Пазоўнікі ацэньвалі маральную шкоду ад дзеянняў камбінату ў Br 10 000 кожны. Пракурор прасіў адмовіць у задавальненні пазову.
Суд стаў на бок пазоўнікаў, але зменшыў суму кампенсацыі.
Паводле рашэння суду, са спецкамбінату на карысць Яканюка, Сяргеевай і Маркевіч вырашана спагнаць на кожнага па Br 1000 плюс грошы за судовыя выдаткі – па Br 76,5, удакладніла ў «Фэйсбуку» валанцёрка Кацярына Парыжаская.
Добраўпарадкаванне Спецкамбінатам КБА Вайсковых могілак выклікала бурную рэакцыю грамадскасці. Каб абараніць магілы ад зносу, валанцёры некалькі месяцаў фарбавалі крыжы і агароджы магілаў, якія камбінат прызнаў закінутымі.
Паводле валанцёраў, адказная за разбурэнне было не толькі дзяржаўнае прадпрыемства, але і царква, якая была ініцыятарам пашырэння сцежак і пабудовы праезду да царквы.
Самыя Вайсковыя могілкі з’яўляюцца гісторыка-культурнай каштоўнасцю. З нагоды законнасці дзеянняў камбінату актывісты былі звароты ў пракуратуру, якая прадпісала спыніць працы на могілках да распрацоўкі праекту іхнай рэканструкцыі.
ДД belsat.eu
