Рыжскі акруговы суд асудзіў жыхара Даўгаўпілса Арцёма Скрыпніка да пяці гадоў пазбаўлення волі за ўдзел ва ўзброеным канфлікце ў Данбасе. Паводле следства, Арцём Скрыпнік удзельнічаў у ваенных аперацыях у Луганску і навучаў прарасейскіх баевікоў абыходжанні з зброяй.
Пра гэта паведамляе агенцтва LETA, піша DW.COM.
Як удакладняецца ў заяве прэс-службы Генеральнай пракуратуры Латвіі, на працягу двух гадоў пасля адбыцця тэрміну ў дачыненні да мужчыны будзе дзейнічаць рэжым выпрабавальнага нагляду.
Пры гэтым апраўдальны прысуд, вынесены 4 жніўня 2017 году адменены.
Паводле следства Арцём Скрыпнік быў задзейнічаны ў ваенных аперацыях у Луганску вясной 2015 года і навучаў баевікоў валодаць агнястрэльнай зброяй, а значыцца «актыўна ўдзельнічаў ва ўзброеным канфлікце, накіраваным супраць тэрытарыяльнай цэласнасці Украіны».
Як адзначаюць у Генпракуратуры, дзеянні асуджанага супярэчаць міжнароднаму праву і статуту ААН.
СК belsat.eu