10:32 Суддзя гарадскога суда Менску не прыняў доказы невінаватасці Аляксандра Баразенкі і пакінуў папярэднее рашэнне суддзі Маскоўскага суда Таццяны Мотыль. Журналіста не вызваляць. Ён застаецца на Акрэсціна.
Аляксандр Баразенка п’е толькі ваду, сокі і турэмную гарбату. Наш калега аб’явіў галадоўку ў знак пратэсту супраць несправядлівага арышту.
На волю ён выйдзе 9 красавіка.
10:18 Суддзя Ігар Любавіцкі абвесціў перапынак для прыняцця рашэння. Да гэтага ён праглядзеў запіс, які даказвае невінаватасць журналіста.
10:15 Адвакат Аляксандра Баразенкі просіць адмяніць рашэнне суда пра арышт Аляксандра Баразенкі.
10:03 Суддзя абвесціў перапынак, каб прагледзець відэа.
10:00 Забаранілі відэаздымкі. Адвакат Аляксандра Баразенкі прадстаўляе суддзе доказ – відэазапіс затрымання.
09:59 У залі паседжання гарадскога суда Менску сваякі Аляксандра Баразенкі і журналісты. Чакаюць на суддзю.
09:55 Журналістаў пусцілі ў залу суда. Аляксандра Баразенку ў суд не прывязуць, ягоныя інтарэсы будзе прадстаўляць адвакат.
«Спадзяемся на справядлівае рашэнне», – кажа прадстаўнік нашага тэлеканалу ў Беларусі Аляксей Мінчонак.
5 красавіка будзе абскарджанае рашэнне ў справе журналіста нашага тэлеканалу.
Разгляд скаргі прызначаны на 10-ую гадзіну ў Менскім гарадскім судзе.
«Спадзяемся, што здаровы розум возьме сваё, што суддзя прагледзіць відэа і ўпэўніцца, што Аляксандр нічога не парушаў, не лаяўся», – кажа прадстаўнік нашага тэлеканалу ў Беларусі Аляксей Мінчонак.
27 сакавіка аператар «Белсату» Аляксандр Баразенка быў асуджаны за тое, што нібыта нецэнзурна выказваўся падчас вулічнай акцыі 25 сакавіку, якую асвятляў. Аднак відэа з камеры, што была ў руках журналіста, абвяргае такое сцвярджэнне: Аляксандр Баразенка не лаяўся, а наадварот падкрэсліваў, што ён журналіст.
Відэа з камеры Аляксандра Баразенкі
Чытайце таксама:
НМ, belsat.eu