Генеральны сакратар NATO Енс Столтэнберг прыняў рашэнне правесці 6 студзеня паседжанне рады альянсу «у тэрміновым парадку» праз сітуацыю ў Іраку і забойства іранскага генерала ў Багдадзе, паведаміла агенцтва DPA.
5 студзеня іракскі парламент прагаласаваў за рэзалюцыю аб разрыве дамовы з заходняй кааліцыяй у барацьбе з «Ісламскай дзяржавай» і за вывад замежных войскаў з краіны.
Іранскага генерала Касэма Сулеймані, камандуючага элітным спецпадраздзяленнем «Аль-Кудс» забілі ў Іраку 3 студзеня па загадзе прэзідэнта ЗША Доналда Трампа.
ЮВ belsat.eu