Пра гэта паведамляе Telegram-канал Следчага камітэту.
«Следчыя разглядаюць магчымасць прызначэння шэрагу экспертызаў, у тым ліку: комплексныя медыка-крыміналістычныя і біёлага-генетычныя вопраткі пацярпелых і падазраванага; экспертыза халоднай зброі», – гаворыцца ў паведамленні СК.
СК таксама паведамляе, што падчас асабістага вобшуку ў падазраванага знайшлі петарды, малаток і дымавую шашку.
Нагадаем, што старшакласніка затрымалі праз 2 гадзіны пасля нападу ў школе № 2 у Стоўбцах.
Падазраваны адмаўляецца даваць паказанні. 12 лютага з падазраваным бачыўся ягоны бацька. Хлопец не патлумачыў яму прычыны свайго ўчынку.
11 лютага старшакласнік напаў з нажом на настаўніцу і дзяцей у школе ў Стоўбцах. У выніку нападу памёр педагог і адзін школьнік.
ЮВ, belsat.eu
