Стаўбцоўскі нападнік адмаўляецца даваць паказанні


Стаўбцоўская школа № 2. 11 лютага 2019 г. Фота - Natalia Fedosenko/TASS

Пра гэта паведамляе Telegram-канал Следчага камітэту.

«Следчыя разглядаюць магчымасць прызначэння шэрагу экспертызаў, у тым ліку: комплексныя медыка-крыміналістычныя і біёлага-генетычныя вопраткі пацярпелых і падазраванага; экспертыза халоднай зброі», – гаворыцца ў паведамленні СК.

Сем’ям ахвяраў стаўбцоўскай разні выплацяць па Br 10 000. Вы таксама можаце дапамагчы

СК таксама паведамляе, што падчас асабістага вобшуку ў падазраванага знайшлі петарды, малаток і дымавую шашку.

Нагадаем, што старшакласніка затрымалі праз 2 гадзіны пасля нападу ў школе № 2 у Стоўбцах.

Падазраваны адмаўляецца даваць паказанні. 12 лютага з падазраваным бачыўся ягоны бацька. Хлопец не патлумачыў яму прычыны свайго ўчынку.

Школа ў Стоўбцах працуе, але пасля трагедыі на заняткі прыйшла палова вучняў з класу

11 лютага старшакласнік напаў з нажом на настаўніцу і дзяцей у школе ў Стоўбцах. У выніку нападу памёр педагог і адзін школьнік.

ЮВ, belsat.eu

Глядзі таксама
Каментары