Арцыбіскуп каталіцкай царквы ў Беларусі заклікае спыніць гвалт

Тадэвуш Кандрусевіч выступіў з афіцыйнаю заяваю праз старонку парталу catholic.by у Facebook.

11.08.2020 14:50 Catholic.by ЗваротСтаршыні Канферэнцыі Каталіцкіх Біскупаў у БеларусіМітрапаліта…

Opublikowany przez catholic.by Wtorek, 11 sierpnia 2020

Арцыбіскуп Тадэвуш Кандрусевіч выступіў са зваротам у сувязі са складанай грамадска-палітычнай сітуацыяй у Беларусі.

«Браты і сёстры, суайчыннікі! У апошнія дні мы сталі сведкамі нябачанай дагэтуль у нашай міралюбнай і памяркоўнай Бацькаўшчыне напружанасці, звязанай з ходам выбарчай кампаніі і прэзідэнцкімі выбарамі, якая вылілася на вуліцы і плошчы нашых гарадоў. Адбыліся сутыкненні паміж грамадзянамі і супрацоўнікамі сілавых структур. У выніку актыўнага супрацьстаяння ўжо, на жаль, пралілася першая кроў і ёсць пацярпелыя з абодвух бакоў. Упершыню ў сучаснай гісторыі Беларусі брат падняў руку на брата», – піша ён.

Ён таксама звярнуўся да абодвух бакоў канфлікту і заклікае іх скласці зброю ды вырашаць пытанні на мірных сходах.

«Няхай вашыя рукі, створаныя для мірнай працы і братэрскага прывітання, не падымаюць ні зброі, ані камення. Няхай замест аргументу сілы запануе заснаваная на дыялогу ў праўдзе і ўзаемнай любові сіла аргументу».

КТ belsat.eu

Hавiны