На краўдфандынгавай платформе talaka.org пачаўся збор сродкаў на кнігу пра невядомыя старонкі жыцця Народнай артысткі Беларусі «Мой шлях да Беларусі. Далягляды Зінаіды Бандарэнкі».
Зінаіда Бандарэнка нарадзілася 25 красавіка 1939 г. у Менску ў сямʼі хірурга і сялянкі. У 1962 годзе пачала працаваць на Беларускай рэспубліканскай студыі тэлебачання. У 1985 годзе атрымала званне Народнай Народнай артысткі Беларусі. Яе голас пазнаваў кожны беларус. Дзеткі клікалі яе Цётка Буслік, а дарослыя – Беларускай Мадоннай. Напрыканцы 90-х праз сваю незалежніцкую пазіцыю адносна палітычнай сітуацыі ў Беларусі дыктарка сышла з дзяржаўнага тэлебачання.
Калі ў вас ёсць невядомыя фотаздымкі Народнай артысткі, апублікуйце іх на сваім «Facebook’у» і дашліце ў прыватныя паведамленні СЮДЫ. Лепшыя здымкі трапяць у кнігу. Таксама ў якасці падарунку вы атрымаеце асобнік кнігі з аўтографам легенды беларускага тэлебачання. Або проста зайдзіце на talaka.org і падтрымайце выданне кнігі рублём.
«Я не буду раскрываць усе сакрэты тэксту. Скажу толькі, што некаторыя гісторыі, расказаныя мне Зінаідай Аляксандраўнай цалкам адпавядаюць густам аматараў дэтэктываў, меладрамаў, трагедый, камедый і г.д. Сюжэты часам былі такімі крутымі і нечаканымі, што пазайздросцілі б стваральнікі ўсякіх «Санта-Барбар», – распавядае пра кнігу журналіст і пісьменнік Аляксандр Тамковіч.
На выданне кнігі патрэбна Br 10 999.
ЮВ, belsat.eu
