Арчы Гэрысан Маўнтбэтэн-Ўіндзар. Гэтак брытанскі прынц Гэры, герцаг Сасэксу, і Мэган, герцагіня Сасэксу, назвалі свайго сына, падае афіцыйная старонка каралеўскай сям’і ў «Фэйсбуку».
Першынец у сям’і прынца нарадзіўся раніцаю 6 траўня. Упершыню свету яго паказалі ў сераду ў каралеўскім родавым замку Ўіндзар.
Немаўля стала сёмай асобай у чарзе па брытанскі трон: пасля сваёй прабабулі каралевы Элізабэт ІІ, дзядулі Чарлза, дзядзькі Ўільяма ды ягоных траіх дзяцей, а таксама свайго бацькі, прынца Гэры.
Гэтаму хлопчыку не павінен давацца ніякі тытул, звяртае ўвагу журналістка Вікторыя Мёрфі – і ён не стаў, напрыклад, графам Дамбартан, як ягоны бацька. Аднак прысвоіць яго яму можа каралева.
Гэры і Мэган Маркл, акторка і фотамадэль з ЗША, пабраліся шлюбам летась у траўні. Раней яна ўжо была замужам за кінарэжысёрам Трэварам Энгельсанам.
ДД belsat.eu
