Стала вядома, у чым абвінавачваюць экс-начальніка Круглянскай ПМК, які называў сябе «добрым знаёмым Лукашэнкі»
Начальнік Круглянскай ПМК Мікалай Патрончык і яго сын абвінавачваюцца ў буйным крадзяжы маёмасці прадпрыемства, паведамілі ў Следчым камітэце.
Следчым упраўленнем УСК па Магілёўскай вобласці расследуецца крымінальная справа па абставінах крадзяжу маёмасці, здзейсненага групай асобаў у асабліва буйным памеры. Абвінавачанымі па справе прызнаныя начальнік дзяржаўнага прадпрыемства «Круглянская перасоўная механізаваная калона № 266» і яго сын.
«Першапачатковымі следчымі дзеяннямі ўстаноўлена, што кіраўнік прадпрыемства, выкарыстоўваючы сваё службовае становішча, у пачатку 2014 года ўступіў у змову са сваім 31-гадовым сынам, каб завалодаць грашыма арганізацыі, – распавяла БелТА прадстаўнік УСК па Магілёўскай вобласці Аксана Салянюк.
Каб надаць сваім дзеянням выгляд законных, сын начальніка ПМК забяспечыў рэгістрацыю ў якасці індывідуальнага прадпрымальніка свайго знаёмага і ўвесь час дзейнічаў ад яго імя. А сам Мікалай Патрончык даваў незаконныя ўказанні падначаленым аб набыцці аўтамабільных запчастак праз згаданага ІП з наступным пералікам грошай на разліковы рахунак прадпрымальніка. Пры гэтым да закупачнай цаны дадаваўся надбаўка, якая ў некаторых выпадках дасягала да 100%. У выніку розніца паміж закупкай і продажам запчастак склала больш 1,05 млн рублёў, што следчыя прызналі »уронам у асабліва буйным памеры «.
Абодва Патрончыка цяпер знаходзяцца пад вартай, ім інкрымінуюць злачынства паводле ч. 4 арт. 210 КК (крадзеж шляхам злоўжывання службовымі паўнамоцтвамі, учынены групай асоб па папярэдняй змове ў асабліва буйным памеры). Для пакрыцця нанесенай дзяржаве шкоды накладзены арышт на іх маёмасць і грашовыя сродкі.
***
Справа ў дачыненні да Патрончыка была распачатая напрыканцы мінулага года. Раней Мікалай Патрончык кіраваў самым паспяховым прадпрыемствам у горадзе Круглае Магілёўскай вобласці – на Круглянскай ПМК задзейнічана больш за тысячу чалавек. ПМК пабудавала розныя аб’екты ў Беларусі: ад жылля да вытворчых памяшканняў. Прадпрыемства цалкам адбудавала малую радзіму Аляксандра Лукашэнкі – вёску Александрыя і Лядовы палац у Шклове. У тым ліку ПМК зрабіла рэзідэнцыю прэзідэнта «Александрыя-2».
Раней у інтэрв’ю Naviny.by Патрончык называў Лукашэнку «добрым знаёмым». У 2012 годзе прэзідэнт прапаноўваў Патрончык пасаду міністра архітэктуры і будаўніцтва, але той адмовіўся. А ў 2015-м па ўказе Лукашэнка Патрончык узнагародзілі ордэнам Айчыны III ступені.
КА, belsat.eu
