Першы афіцыйны на Берасцейшчыне пацыент з каронавірусам знаходзіцца ў абласной больніцы, падае Берасцейскі абласны цэнтр гігіены, эпідэміялогіі і грамадскага здароўя.
Пазітыўны вынік тэсту на COVID-19 медыкі выявілі ў асобы, якая знаходзіцца пад назіраннем лекараў інфекцыйнага аддзялення Берасцейскай абласной клінічнай больніцы як кантакт першага парадку.
Лекары ўжо ўсталявалі кола людзей, з якімі кантактаваў пацыент. Як распавяла інфармаваная крыніца «Tut.by», гэтых людзей узялі пад медычны нагляд.
У Беларусі на гэты момант правялі больш за 32 тысяч тэстаў на каронавірус.
Мінздароўя падае, што за апошнія суткі з беларускіх шпіталяў выпісалі пяць пацыентаў, у якіх пацвярджаўся на COVID-19.
Па стане на 1 красавіка 157 чалавек праходзяць лячэнне і находзяцца пад медычным наглядам.
Паводле афіцыйных звестак, на сёння ў Беларусі ад каронавірусу памерла двое чалавек.
ДД belsat.eu