Цырымонія ўступлення на пасаду кіраўніка дзяржавы адбудзецца 20 траўня.
Дэпутаты Вярхоўнай Рады разглядалі восем праектаў пастановаў аб інаўгурацыі Зяленскага. За правядзенне цырымоніі 20 траўня прагаласавалі 315 чалавек.
Актор выйграў прэзідэнцкія выбары ва Украіне з ашаламляльным вынікам. Уладзіміра Зяленскага адразу ж крытыкавалі за адсутнасць канкрэтыкі ў праграме і сувязь з алігархам Ігарам Каламойскім.
Ягоны электарат падзелены дыяметральна супрацьлеглымі поглядамі на развіццё дзяржавы і чаканнямі ад будучага прэзідэнта.
Некаторыя адмыслоўцы сцвярджаюць, што якімі б ні былі першыя крокі Зяленскага ва ўладзе, яны адразу абваляць ягоны рэйтынг.