Стала вядома, хто ўвайшоў у Каардынацыйную раду Ціханоўскай


Сёння, 17 жніўня, стала вядома, хто ўвайшоў у Каардынацыйную раду Святланы Ціханоўскай. Пра гэта ў сваім Facebook паведаміла давераная асоба Ціханоўскай Вольга Кавалькова.

Святлана ЦІханоўская.
Фота: Ірына Арахоўская / Belsat.eu

У Каардынацыйнай радзе больш за 30 імёнаў. Гэта прадстаўнікі бізнесу, палітычных партыяў, грамадскіх арганізацыяў і эканамісты. Вось як ён выглядае:

  • Юры Губарэвіч – старшыня руху «За Свабоду»;
  • Павел Данэйка – кіраўнік групы кампаніяў ІПМ;
  • Павел Белавус – заснавальнік і ўласнік Symbal.by;
  • Алесь Бяляцкі – праваабаронца, старшыня праваабарончага цэнтру «Вясна»;
  • Андрэй Вітушка – дзіцячы лекар-рэаніматоляг, кандыдат медычных навук;
  • Віталь Валянюк – дырэктар Probusiness;
  • Алана Гербрэмарыям – актывістка «Моладзевага блоку»;
  • Людміла Антаноўская — старшыня асацыяцыі «Інавацыйнае прыборабудаванне»;
  • Лілія Уласава – міжнародны медыятар, юрыст;
  • Уладзімер Дунаеў – прафесар, эксперт Грамадскага Балонскага камітэту;
  • Андрэй Ягораў – палітолаг, дырэктар Цэнтру еўрапейскай трансфармацыі;
  • Марыя Калеснікава – прадстаўніца штабу Віктара Бабарыкі;
  • Максім Знак – юрыст, прадстаўнік штабу Віктара Бабарыкі;
  • Святлана Калінкіна – журналістка;
  • Вольга Кавалькова – сустаршыня Беларускай хрысціянскай дэмакратыі, давераная асоба Святланы Ціханоўскай;
  • Мікалай Казлоў – старшыня Аб’яднанай грамадзянскай партыі, давераная асоба Святланы Ціханоўскай;
  • Аляксандр Дабравольскі – сябра палітрады Абʼяднанай грамадзянскай партыі;
  • Дзмітрый Крук – эканаміст;
  • Ігар Кубашкоў – прадстаўнік студэнцкай супольнасці;
  • Андрэй Курэйчык – кінасцэнарыст, драматург, рэжысёр, публіцыст;
  • Яўген Лівіянт – педагог, кіраўнік рэпетытарскага цэнтру «100 балаў»;
  • Сяргей Макейкаў – дэлегат БМЗ;
  • Тацяна Марыніч – заснавальніца групы кампаніяў Belbiz;
  • Уладзімер Пугач – фронтмэн гурту J-MORS, юрыст;
  • Віталь Рымашэўскі – сустаршыня Беларускай хрысціянскай дэмакратыі;
  • Ганна Севярынец – настаўніца, пісьменніца, літаратуразнаўца;
  • Андрэй Стрыжак – актывіст кампаніяў BY-COVID і BY_help;
  • Юры Хвашчэвацкі – кінарэжысёр;
  • Аляксандр Цэнтэр – кіраўнік групы кампаніяў «А-100»;
  • Уладзімер Цэслер – мастак;
  • Сяргей Чалы – незалежны аналітык, эканаміст;
  • Юлія Чарняўская – культуролаг, прафесарка;
  • Аляксей Шчурко – бізнесовец GURTAM.

Гэта яшчэ не канчатковы спіс удзельнікаў рады, запэўнівае Вольга Кавалькова.

«Гэта не значыць, што астатнія заяўкі адхіленыя, яшчэ ідзе працэс фармавання асноўнага саставу Каардынацыйнай рады, і будуць створаныя пляцоўкі для працы пашыранага складу, працоўных і экспертных групаў», – напісала яна.

Таксама Вольга заклікае прадстаўнікоў бастуючых прадпрыемстваў дэлегаваць да Каардынацыйнай рады.

Заўтра, 18 жніўня, увечары адбудзецца першае паседжанне рады.

Каардынацыйная рада – гэта працоўная група, якая дапаможа забяспечыць мірны і стабільны трансфер улады. Штаб Святланы Ціханоўскай пачаў ейнае фармаванне ад 15 жніўня.

КТ belsat.eu

Стужка навінаў