У Расеі вядуцца працы па стварэнні для Ваенна-марскога флоту найноўшай крылатай ракеты «Калібр-М» для з далёкасцю палёту больш за 4,5 тысяч кіламетраў, паведамляе агенцтва ТАСС са спасылкай на ўласную крыніцу ў абаронна-прамысловым комплексе РФ.
«Для ВМФ распрацоўваецца найноўшая высокадакладная крылатая ракета» Калібр-М «карабельнага базавання з максімальнай далёкасцю стральбы больш за 4,5 тыс. км. Стварэнне ракеты знаходзіцца на этапе навукова-даследчых работ і прафінансаванае Мінабароны», – сказала крыніца.
Стварэнне «Калібра-М» уключана ў расейскую дзяржпраграму ўзбраення да 2027 года, «ракета павінна быць перададзена флоту да канца дзеяння праграмы». Новая ракета будзе адрознівацца ад «Калібраў», якія цяпер маюцца а ўзбраенні, большай далёкасцю стральбы і сваймі габарытамі. Вага баявой часткі ракеты складзе амаль тону.
Па словах суразмоўцы агенцтва, новай ракетай плануецца абсталёўваць буйныя надводныя караблі, фрэгаты і атамныя падлодкі. «Калібр-М» прызначаны для знішчэння сухапутных абʼектаў.
Ракеты «Калібр» раней ужо выкарыстоўваліся Расеяй для нанясення ўдараў падчас аперацыі ў Сірыі.
KA, belsat.eu
