Беларусь прапанавала Расеі забраць назад нафту з высокім утрыманнем хлорарганічных злучэнняў, якая ў красавіку паступала па трубаправодзе «Дружба». Пра гэта «Известиям» распавялі ў кампаніі «Белнафтахім».
Як адзначылі ў кампаніі, частка сыравіны ўжо адпраўленая ў Расею, але каля 1,2 млн тоны пакуль знаходзіцца ў Беларусі.
У сваю чаргу эксперт расейскага Фонду нацыянальнай энергетычнай бяспекі Ігар Юшкоў адзначыў, што Менск раней прапаноўваў выкупіць забруджаную нафту па $ 15 за барэль, але ў Расеі палічылі такія кошты занадта вялікімі.
Міністэрства фінансаў Беларусі зможа ацаніць страты айчыннага бюджэту ад паступлення няякаснай расейскай нафты толькі па выніках першага паўгоддзя. Аднак за першыя тры месяцы года Беларусь прадала за мяжу на 11 % менш нафтапрадуктаў, чым за такі ж перыяд летась.
Да таго ж у канцы красавіка праз усю тую ж брудную расейскую нафту Беларусь увогуле прыпыніла пастаўкі за мяжу, а пра зняцце абмежаванняў на экспарт «Белнафтахім» абвесціў толькі напярэдадні.
МГ belsat.eu
