У інтэрнэце з’явіліся здымкі і відэа незвычайнай атмасфернай з’явы над гарадскім пасёлкам Шаркаўшчына ў Віцебскай вобласці. Над населеным пунктам пранёсся сапраўдны смерч. Наймацнейшы віхор разбурыў некалькі пабудоў, пашкодзіў дахі дамоў і разбіў шыбы.
«11 ліпеня з 16.00 да 16.30 у выніку парывістага ветру, які прайшоў па тэрыторыі Шаркаўшчынскага раёна Віцебскай вобласці, зафіксавана пашкоджанне дахаў 20 жылых дамоў у Шаркаўшчыне, 3 жывёлагадоўчых ферм у вёсцы Маркі Шаркаўшчынскага раёна; на станцыі Шаркаўшчына адбылося перакульванне двух казловых кранаў. Адбылося аварыйнае адключэнне 2 ЛЭП, 22 ТП, 8 населеных пунктаў, 2 ферм. Хуткасць ветру дасягала 16 м/с», – паведамілі ў МНС.
Па ўсёй Віцебскай вобласці абвешчанае штармавое папярэджанне. Першая хваля навалы прыйшла ў Менск а 19:45, але будзе яшчэ другая фаза.
ДР belsat.eu паводле mchs.gov.by
