24-гадовы жыхар Слуцкага раёну ў снежні 2015-га скапіяваў у інтэрнэце порнафільм і павесіў яго «Укантакце» з адчыненым доступам, чым спрычыніўся да распаўсюду парнаграфіі. У лютым сёлета яго прысудзілі да 2 гадоў пазбаўлення волі.
З улікам станоўчых характарыстык хлопца па месцы жыхарства і на працы суд вырашыў не саджаць яго, калі ён вытрымае двухгадовы выпрабавальны тэрмін. Таксама ён павінен выканаць 120 гадзінаў грамадска-карысных прац і цягам 6 месяцаў выплаціць кампенсацыю ў памеры 50 базавых велічынь (1150 рублёў).
Ад пачатку 2017 года да крымінальнай адказнасці за распаўсюд парнаграфіі ўжо прыцягнлі двух жыхароў Слуцку, паведаміла памочнік пракурора Слуцкага раёну Таццяна Кішко.
ДР belsat.eu