Следчы камітэт заклікае беларусаў не паддавацца на правакацыі

Афіцыйнае папярэджанне яны апублікавалі ў сваім Telegram-канале.

Ст. м. Спартыўная, Мінск, Беларусь. 10 жніўня 2020 г. Фота: Vot-tak.tv / Belsat.eu

Следчы камітэт Беларусі звярнуўся да грамадзянаў праз свой Telegram-канал.

«Не паддавайцеся на правакацыі арганізатараў закалотаў, задумайцеся пра наступствы вашых дзеянняў, будзьце разважлівымі. Нагадваем, што за такія супрацьпраўныя дзеянні вам пагражае крымінальная адказнасць», – гаворыцца ў абвестцы.

Раней была заведзеная 21 крымінальная справа па масавых закалотах і гвалту ў дачыненні да міліцыянтаў. Паводле звестак МУС падчас пратэстаў у ноч з 9 на 10 жніўня спакутвалі 40 супрацоўнікаў МУС. Яны ж кажуць, што былі арыштаваныя каля 3 тысячаў чалавек.

Па гэтых крымінальных справах былі затрыманыя больш за 80 чалавек. БОльшасць з іх – маладыя людзі ва ўросце ад 20 да 25 гадоў. Следчы камітэт паведамляе, што частка затрыманых былі ў стане алкагольнага або наркатычнага ап’янення.

КТ belsat.eu

Hавiны