У дакуменце – 8 пунктаў, якія СК рэкамендуе выконваць працаўнікам медыяў.
- Да ўступлення прысуду ў законную сілу сродкі масавай інфармацыі не маюць права называць падазраванага або падсуднага злачынцам.
- Неабходна выкарыстоўваць фармулёўкі, якія падкрэсліваюць папярэдні характар дадзеных, што падаюцца ў інфармацыйным паведамленні. Інфармацыя павінна быць старанна правераная.
- Публікацыі не павінныя аказваць ціск на органы папярэдняга следства і суд.
- Пажадана, каб у публікацыях асвятляліся прычыны і ўмовы, якія спрыялі здзяйсненню злачынства, прыводзіліся спосабы і шляхі іх выкаранення.
- Публікацыі не павінныя раскрываць механізм і спосабы здзяйснення злачынстваў, утрымліваць тэхналагічныя падрабязнасці здзяйснення злачынных дзеянняў, спосабы ўтойвання злачынстваў.
- Публікацыі не павінныя прапагандаваць культ гвалту і жорсткасці, спрыяць нагнятанню страхаў, трывогі, адчування бездапаможнасці.
- Недапушчальна публікаваць матэрыялы крымінальных справаў, якія падлягаюць разгляду ў закрытым судовым пасяджэнні (справы аб сексуальных злачынствах, асабліва супраць непаўналетніх).
- Каб пазбегнуць распальвання нацыянальнай нянавісці ці варожасці, не варта фіксаваць увагу чытачоў і гледачоў на нацыянальнай прыналежнасці асобаў, якія здзейснілі злачынства.
ДД паводле Следчага камітэту