Менскі гарадскі суд разгледзіць заўтра скаргі трох «графіцістаў» – Вячаслава Касінерава, Максіма Пекарскага і Вадзіма Жаромскага, якім прысудзілі вялікія штрафы за нацыяналістычныя малюнкі.
У жніўні 2015 года яны намалявалі два графіці – «Беларусь мае быць беларускай» і «Рэвалюцыя свядомасці, яна ўжо ідзе» – на білбордах з рэкламай міліцыі.
Спачатку справу ўзбудзілі паводле часткі 2 арт. 339 (хуліганства, здзейсненае групай асобаў). Хлопцам пагражала да шасці гадоў турмы. Беларускія праваабаронцы заявілі, што ў выпадку рэальных турэмных тэрмінаў яны абвесцяць хлопцаў палітзняволенымі.
Падчас расследавання, абвінавачанне ў дачыненні да Пякарскага змянілі з артыкула 339-га на арт. 341: «апаганьванне будынкаў і псаванне маёмасці». Іншым двум артыкул не замянілі, але іхныя дзеянні перакваліфікавалі як «псаванне маёмасці».
Матэрыяльную шкоду за псаванне білбордаў хлопцы цалкам аплацілі яшчэ да суду. 29 студзеня Ала Скуратовіч з суду Фрунзенскага раёна прызнаў хлопцаў вінаватымі і прысудзіла да штрафаў. Жаромскі быў пакараны 50, Пекарскі – 40, Касінераў – 30 базавымі вялічынямі.[/vc_column_text][vc_single_image image=”138746″ img_size=”large” add_caption=”yes”][vc_column_text]Пасля абвяшчэння прысуду «Арт-сядзіба» ініцыявала збор сродкаў на выплату штрафаў, а ўлады распачалі цкаванне хлопцаў: Гэтак, БТ паказала пра іх абразлівы матэрыял.
8 лютага хлопцы падалі касацыйную скаргу на рашэнне суду.
ДД
