Польскі выканаўца збіраецца заспяваць на «Еўрабачанні» песню, што вельмі нагадвае нефармальны гімн расейскіх вайскоўцаў.
Поп-спявак з Польшчы Міхал Шпак збіраецца заспяваць на Еўрабачанні песню, у якой няцяжка пачуць матыў расейскага шлягеру «Давай за…», што выконвае гурт «Любэ». Асабліва добра чуваць падабенства ў прыпеве (на відэа ад 00:25).
Песня Міхала Шпака «Color Of Your Life» хоць матывам і нагадвае кампазіцыю расейскага гурта, яе сэнс далёка ад ура-патрыятычных настрояў «Любэ». Міхал Шпак спявае пра тое, як важна для кожнага вызначыцца – «якога колеру тваё жыццё» і што «не бывае жыцця без слёз».
Сцэнічныя вобразы Мікалая Растаргуева і Міхала Шпака таксама радыкальна розныя. Апошні называе сябе метрасексулам, фарбуе пазногці а раней эпатаваў публіку, апранаючы сукенкі.
МЛ, belsat.eu