СК аднавіў расследаванне справаў Ганчара ды Красоўскага


Былы старшыня ЦВК Віктар Ганчар. Скрын з відэа

Следчы камітэт Беларусі ўзнавіў расследаванне па справе зніклых у 1999 годзе беларускіх апазіцыянераў. Пра гэта паведамляе «Deutsche Welle».

СК аднавіў папярэдняе расследаванне па факце знікненняў 16 верасня 1999 года былога кіраўніка Цэнтральнай выбарчай камісіі Віктара Ганчара ды ягонага сябра Анатоля Красоўскага, які фінансава падтрымліваў апазіцыю.

Hавiны
Поўны «спіс Гараўскага»: усё, што вядома пра імаверных забойцаў апанентаў Лукашэнкі
2019.12.25 10:39

Адпаведны адказ на свой зварот атрымала Ірына Красоўская, якая 22 снежная 2019 года накіравала электроннае хадайніцтва ў СК з патрабаваннем аднавіць прыпыненае следства ў сувязі з заявамі былога байца СОБРу Юрыя Гараўскага.

«Падчас працэсу расследавання паводле крымінальнай справы плануецца правядзенне следчых дзеянняў, накіраваных на праверку звестак, выкладзеных Ю. Гараўскім у інтэрв’ю журналістам тэлерадыёкампаніі «Deutsche Welle», а таксама дача прававой ацэнкі выкладзенай інфармацыі», – гаворыцца ў адказе СК.

Hавiны
СК аднавіў крымінальную справу паводле факту знікнення Юрыя Захаранкі
2019.12.25 12:58

16 снежня 2019 года з’явілася інтэрв’ю з былым байцом СОБРу Юрыем Гараўскім, у якім той распавёў пра свой удзел у выкраданні і забойстве вядомых апазіцыянераў – Юрыя Захаранкі ды Віктара Ганчара, а таксама бізнесоўца Анатоля Красоўскага. На ягоную думку, байцы падраздзялення маглі быць датычныя і да забойства журналіста Дзмітрыя Завадскага.

18 снежня стала вядома, што Следчы камітэт аднавіў крымінальную справу пра знікненне былога міністра ўнутраных справаў Юрыя Захаранкі.

Hавiны
«Цынічная адпіска». СК не захацеў аднаўляць справу аб выкраданні Завадскага
2020.01.07 12:09

Разам з тым СК адмовіў жонцы выкрадзенага 20 гадоў таму аператара ОРТ Дзмітрыя Завадскага ў ейнай просьбе аднавіць расследаванне.

МГ belsat.eu

Стужка навінаў