У нядзелю спадарыня, што ведае спевака Макса Каржа, была ў Грушаўскім скверы, паведамляе TUT.BY.
«Мы стаялі кампаніяй з чатырох чалавек. З намі – Макс Корж. Сцягоў у нас не было, мы проста размаўлялі», – распавяла спадарыня.
Недзе пасля трэцяй гадзіны дня сведцы патэлефанавала сяброўка, што жыве побач, і распавяла, што ў двор прыехалі АМАПаўцы і рушылі ў бок парку.
«Неўзабаве мы заўважылі, што з двух бакоў дома ў сквер выбегла некалькі сілавікоў. Яны падляцелі да Максіма і яго сябру, сказалі: «Пройдзем з намі для праверкі. Калі ўсё будзе добра, адпусцім» і правялі іх у бус. Мяне і сяброўку, мабыць, як дзяўчат, не чапалі».
Сілавікі адвялі Макса Каржа і яшчэ аднаго спадара ў бус, але пратрымалі іх там нядоўга.
«Макс сказаў, у іх не правяралі пашпарты, а толькі тэлефоны. Паглядзелі, на якія тэлеграм-каналы яны падпісаныя, і адпусцілі», – распавядае чытачка.
«І аўтографы ўзялі?»
«Не», – усміхаецца дзяўчына.
Макс Корж пацвердзіў Tut.by праўдзівасць гэтай гісторыі.
Вокладка: Макс Корж / Facebook
