Шведская пракуратура спыніла расследаванне крымінальнай справы супраць сузаснавальніка сайта WikiLeaks Джульяна Асанжа. Яго абвінавачвалі ў сексуальным гвалце, піша Бі-Бі-Сі.
Справа супраць Джульяна Асанжа была распачата ў Швецыі яшчэ ў 2010 годзе. Джульян Асанж у 2012 годзе папрасіў прытулку ў амбасадзе Эквадора ў Вялікай Брытаніі. У выніку ў будынку амбасады ён правёў сем гадоў, пакуль вясной 2019 года прэзідэнт Эквадора Марэна адмовіў яму ў прытулку на падставе, што ён нібыта працягваў каардынаваць працу хакераў.
48-гадовы Асанж, які апублікаваў на сайце WikiLeaks мільёны засакрэчаных урадавых дакументаў ЗША, Брытаніі і іншых дзяржаваў, матэрыялы пра вайну ў Іраку і дыпламатычную перапіску лідараў дзяржаваў, цяпер знаходзіцца ў лонданскай турме.
Экстрадыцыі Асанжа патрабуюць улады ЗША. Там яму можа пагражаць зняволенне да пяці гадоў, аднак адвакаты лічаць, што ў Амерыцы яго могуць асудзіць да пажыццёвага зняволення.
СК belsat.eu