$ 800 000 штогод – на звалку. Дзяўчына прыдумала, як ператварыць смецце ў грошы для хворых дзяцей


Наталля Кунцэвіч - аўтар і кіраўнік праекту «Новае жыццё ў абмен на накрыўкі». Фота: Аляксандр Васюковіч, imenamag.by

Кожны год беларусы выкідваюць 4 000 тонаў пластыкавых закрутак ад бутэлек з-пад напояў, бытавой парфумерыі ды хіміі. Агульны кошт гэтай другаснай сыравіны складае каля 800 000 $. Пры гэтым у краіне 565 000 дзяцей і дарослых з інваліднасцю на іх лячэнне і рэабілітацыю дзяржаўных сродкаў не хапае.

Каб вырашыць гэтую праблему і дапамагчы хворым дзецям, Наталля Кунцэвіч з Ліды запусціла дабрачынную акцыю «Новае жыццё ў абмен на закруткі».

Разам з камандаю яна арганізавала пункты збору пластыкавых закрутак па ўсёй Беларусі. Да акцыі далучылася 50 школаў.

Пункты збору закрутак.



Арганізатары акцыі і часопіс imenamag.by цяпер збіраюць грошы на вытворчасць 68 пластыкавых кантэйнераў для закрутак, каб павялічыць колькасць пунктаў збору другаснай сыравіны. Ахвяраваць грошы на кантэйнеры, якія будуць усталяваныя ў гандлёвых кропках Менску, можна тут.

Праект плануе сабраць 480 тонаў закрутак, выручка ад здачы якіх на перапрацоўчы завод у Маскве складзе $ 232 500. Грошы будуць накіраваныя на дапамогу цяжкахворым дзецям.

ЮВ, belsat.eu

 

Глядзі таксама
Каментары