Яны падтрымалі мірных дэманстрантаў. Заява была апублікаваная ў Telegram-канале «Пул первой».
Штаб Святланы Ціханоўскай падтрымаў мірных пратэстоўцаў. Яны апублікавалі наступную заяву:
«Мы падтрымліваем усіх, хто пратэстуе супраць фальсіфікацыяў і змагаецца за свае правы мірнымі шляхамі. Мы салідарныя з усімі, хто адстойвае сваё права на лепшую будучыню для сябе і сваіх дзяцей. Мы супраць гвалту і просім улады не ўжываць гвалт супраць мірных грамадзянаў. Мы прапаноўваем пачаць дыялог пра мірную перадачу ўлады народ без гвалту і ўзрушэнняў».
Сама Святлана была змушаная з’ехаць уначы ў Літву пасля таго, як яна правяла 7 гадзінаў без адвакатаў у ЦВК. Як стала вядома пазней, кандыдатку на прэзідэнта ўлады змусілі зʼехаць.
Потым некалькі праўладных Telegram-каналаў апублікавалі зварот Ціханоўскай, у якім яна заклікала людзей не выходзіць на вуліцы. Імаверна, Ціханоўская запісала гэтае відэа пад ціскам.
КТ belsat.eu
