Школьнікам з Мар’інай Горкі расказалі пра натаўскіх салдатаў-геяў у пампэрсах і з памадай
Школьнікам Мар’інай Горкі ў межах Школы актыўнага грамадзяніна ад Міністэрства адукацыі начальніца музею 5-й асобнай брыгады Людміла Галубенка замест патрыятычнага выхавання расказвала пра натаўскіх гей-салдатаў.
Выступ працаўніцы музею школьнікі запісалі на аўдыё, якое даслалі «Нашай Ніве».
https://soundcloud.com/artsiom-harbatsevich/nata-pampersy-grek-slyazakh
«У амерыканскім войску, а наагул – у натаўскім, – цяпер хлопчыкі ў пампэрсах ходзяць. Нармальна, канечне! Ёсць побач шуфлядка. У якой у яго памадка. Побач «сяброўка», – таксама нармальна, так? Ну «сяброўка» – мужчына, ясная справа», – заявіла выступоўца.
Таксама Людміла Галубенка выказалася на тэму мігрантаў у Еўропе, украінскага Данбасу ды заявіла, што тыя, хто «на плошчы скачуць, абгарнуўшыся сцягамі», – не людзі.
МГ belsat.eu
