Служба бяспекі Украіны сцвярджае, што ваеннага рэпарцёра Архана Джэмаля, рэжысёра-дакументаліста Аляксандра Растаргуева і аператара Кірыла Радчанку забілі ў Цэнтральна-Афрыканскай Рэспубліцы расейскія найміты.
Паводле СБУ, найміты «ПВК Вагнэра» былі накіраваныя ў ЦАР Галоўным упраўленнем Генштабу расейскай арміі ў пачатку 2018 года. Структурай прыкрыцця наймітаў з’яўлялася камерцыйная фірма, звязаная з расейскім алігархам Яўгенам Прыгожыным – ТАА «М-Фінанс». Дастаўка байцоў ПВК у Афрыку ажыццяўлялася непасрэдна прыватным самалётам Прыгожына, сцвярджаюць украінскія спецслужбы.
Найміты ў ЦАР займаюцца інструктажам мясцовых узброеных фармаванняў і забяспечваюць таемную перавозку алмазаў у Расею. СБУ сталі вядомыя імёны 37 расейцаў, якіх расейскай выведка накіроўвала ў ЦАР для выканання службовых задачаў. Сярод іх есць 10 наймітаў, якія ў дзень забойства ЦАР непасрэдна знаходзіліся ў ЦАР. Большасць з іх раней ваявалі на Данбасе і ў Сірыі, маюць дзяржаўныя ўзнагароды РФ.
Сем з іх – ураджэнцы Санкт-Пецярбургу. Адзін чалавек з Башкартастану, адзін з Улан-Удэ і адзін з Белгародскай вобласці.
«Пасля атрымання спецслужбамі РФ інфармацыі аб выездзе расейскіх журналістаў у ЦАР, кіраўнік «службы бяспекі» ТАА «М-Фінанс» Захараў У.М. атрымаў катэгарычны загад прыняць вычарпальныя меры для недапушчэння ўцечкі інфармацыі аб прысутнасці расейскіх тэрарыстаў у гэтай афрыканскай краіне», – гаворыцца ў паведамленні прэс-службы СБУ.
- Вайсковы рэпарцёр Архан Джэмаль, рэжысёр-дакументаліст Аляксандр Растаргуеў і аператар Кірыл Радчанка загінулі ў ЦАР 31 ліпеня. Яны рыхтавалі фільм-расследаванне пра дзейнасць расейскіх наймітаў у Афрыцы. Праект рэалізоўвалі для Цэнтру ўпраўлення расследаваннямі. Гэта новая ініцыятыва, фінансаваная Міхаілам Хадаркоўскім, мэта якой – асвятленне схаваных брудных інтарэсаў расейскіх уладаў.
- Журналісты са сталіцы, Бангі, у горад на поўдні краіны Сібю, каб сустрэцца з мясцовым фіксерам. Да гэтага яны не змаглі трапіць у лагер наймітаў, які знаходзіцца недалёка ад сталіцы. Іх ужо заўважылі і кантралявалі ўрадавыя жаўнеры. Вайскоўцам нават давалі хабар, каб тыя не перашкаджалі працаваць. Загінулі ў дарозе, абстраляныя на адным з пастоў у саванне. Хто страляў дакладна невядома. Расейскія ўлады сцвярджаюць, што іх забілі мясцовыя незаконныя ўзброеныя фармаванні. Між тым, многія калегі журналістаў упэўненыя, што за іх забойствам стаіць Крэмль.
ІІ, belsat.eu
