Пастановаю Савету Міністраў Беларусі зацверджаны пералік друкаваных сродкаў масавай інфармацыі, рэдакцыі якіх у 2020 годзе будуць падтрыманыя рэспубліканскім бюджэтам.
Паводле пастановы Саўміна №841 ад 5 снежня, бюджэтныя грошы атрымаюць выданні «Вместе!», «Журнал специального назначения», «Звязда» (дадаткі «ЧЫРВОНКА Чырвоная змена», «Мясцовае самакіраванне»), «Знамя юности», «Народная газета», «Рэспубліка», «СБ. Беларусь сегодня», «Сельская газета», «Спортивная панорама».
Таксама сродкі выдадуць літаратурным выданням («Літаратура і мастацтва», «Маладосць», «Нёман», «Полымя»), дзіцячым і жаночым часопісам і газетам («Алеся», «Бярозка», «Вожык», «Вясёлка», «Зорька»), тэматычным выданням («Беларускі гістарычны часопіс», «Зорька», «Мастацтва», «Народная асвета», «Родная прырода»).
Агулам у пералік увайшлі 22 выданні.
МГ belsat.eu
