Пра гэта заявіў уладальнік «Штадлера» на сустрэчы з кіраўніком Беларусі.
29 траўня старшыня рады дырэктараў і ўладальнік групы кампаніяў «Штадлер» Пэтэр Шпулер абмеркаваў з Аляксандрам Лукашэнкам перспектывы развіцця ў Беларусі сучаснага рэйкавага транспарту і падзяліўся поспехамі фірмы.
«Мы атрымалі некалькі вельмі добрых замоваў на двухпавярховыя цягнікі, у тым ліку для» Аэроэкспрэса «у Маскве. Мы вельмі ганарымся, што цягнікі, зробленыя менавіта ў Беларусі, зараз выконваюць важную задачу ў Маскве. Мы таксама прадалі цягнікі ў Азербайджан і Грузію. Гэта ўсе прадукцыя, выпушчаная ў Фаніпалі. Цяпер мы рыхтуем да адпраўкі заказ на трамваі для Санкт-Пецярбургу» – распавёў бізнесоўца.
Паводле Шпулера, «Аэраэкспрэс» збіраецца выкарыстоўваць беларускія цягнікі «Штадлера» у Санкт-Пецярбургу.
Дамову аб адкрыцці «Аэраэкспрэс» у Санкт-Пецярбурзе перавознік падпісаў з губернатарам гораду 24 траўня.
Новыя заводы «Штадлера» у Беларусі?
Пра пашырэнне прадпрыемстваў швейцарскай кампаніі ў Беларусі заявіў сам Лукашэнка.
«Ведаю, што вы гатовыя прапанаваць новую будоўлю, новае прадпрыемства або пашырэнне. Для мяне гэта вельмі цікава, і я хацеў бы з першых вуснаў пачуць прапановы аб развіцці вашага прысутнасці ў нашай краіне», – сказаў кіраўнік Беларусі ў размове са Шпулерам.
Завод швейцарскай кампаніі ў Фаніпалі пад Менскам быў адкрыты ў 2014 годзе.
Апроч Беларусі і Швейцарыі «Штадлер» мае заводы ў Нямеччыне, Польшчы і Злучаных Штатах Амерыкі.
Апошні раз Шпулер сустракаўся з Лукашэнкам у жніўні 2016 года.
ДД
