18 красавіка кіраўнік Беларусі падпісаў указ № 150, якім зацвярджаецца герб і сцяг Магілёўскага раёну. Герб уяўляе з сябе варажскі шчыт, перасечаны дзвюма хвалістымі палосамі – серабрыстага і зялёнага колераў.
У верхнім полі размешчана фігура рыцара з мячом у паднятай руцэ, а ўнізе намаляваныя тры кветкі лёну. Сцяг будзе блакітнага колеру, а ў яго цэнтры – герб раёну, паведамілі ў Адміністрацыі кіраўніка дзяржава.
Аўтарамі праектаў герба і сцяга сталі кандыдат гістарычных навук, сакратар Геральдычнага савету Марына Ялінская і мастак Віктар Ляхор. Яны былі зацверджаныя ў 2017 годзе дэпутатамі Магілёўскгаа райсавету, але пасля геральдычнай экспертызы былі ўнесеныя змены.
Да сёння ўласнай сімволікі ў раёну не было. Выкарыстоўваўся герб і сцяг вобласці.
Паводле аўтараў гербу, фігура рыцара на гербе ўвасабляе знакавыя падзеі ваеннага мінулага і гарантыю абароны ў нашым часе. Двайная перавязь – Дняпро ды Палыковіцкую крыніцу. Кветкі лёну адлюстроўваюць поспехі на сельскагаспадарчым ніве.
Рыцар на гербе Магілёўскага раёну мае супольныя рысы з гербам Магілёва, які быў атрыманы горадам у 1661 годзе пасля вызвольнага паўстання гараджанаў супраць расейскага гарнізону.
МГ belsat.eu