Пакуль яшчэ нельга ацаніць усіх наступстваў рэзкага зніжэння коштаў на нафту і дэвальвацыі расейскага рубля. Пра гэта 9 сакавіка заявіў прэм’ер-міністр Беларусі Сяргей Румас.
«Будзем глядзець, як будзе развівацца сітуацыя. Расейцы выпусцілі заяву, што Мінфін будзе прадаваць валюту. Гэта такое неардынарнае рашэнне. І першыя некалькі дзён гэтага тыдня пакажуць, як будзе развівацца сітуацыя з расейскім рублём», – сказаў ён, перадае БелТА.
Паводле яго, беларускі Нацыянальны банк будзе выбудоўваць сваю стратэгію, сыходзячы з сітуацыі з расейскім рублём. Але, адзначыў Румас, ён будзе прытрымлівацца рынкавых тэндэнцыям і не будзе штучна стрымліваць беларускі рубель.
Пры гэтым прэм’ер адзначыў, што падзенне коштаў на нафту ў свеце дае дадатковыя магчымасці дамовіцца з Расея.
«Бо сітуацыя, якая ёсць сёння, значна адрозніваецца ад сітуацыі ў снежні або студзені», – сказаў ён.
Паводле яго, гэта таксама ўплывае і на перамовы з альтэрнатыўнымі пастаўшчыкамі нафты.
МГ belsat.eu