Прадстаўніцы Руху Маці-328 аб 11:30 сабраліся каля Палаты прадстаўнікоў. Санкцыяваны мітынг праходзіць ў Кіеўскім скверы ад 14:00 да 16:00. Паводле падліку #controlby у акцыі бяруць удзел 70 чалавек.
У акцыі ўзялі ўдзел дзясяткі сваякоў асуджаных паводле артыкулу 328, перадае карэспандэнтка belsat.eu.
Удзельніцы руху агучылі зварот да дэпутатаў з заклікам паслабіць адказнасць за 328 «наркатычны» артыкул Крымінальнага кодэксу. Таццяна Канеўская, адна з лідарак Маці-328, заявіла пра свой удзел у парламенцкіх выбарах.
Родныя зняволеных паводле 328 «наркатычнага» артыкулу патрабавалі сустрэчы з дэпутатамі і прадстаўнікамі Саўміну ў справе зменаў у Крымінальным кодэксе.
Галоўныя патрабаванні ранейшыя: сустрэча з кіраўніком краіны і рэформа, у выніку якой для асуджаных паводле 3 і 4 частках артыкулу 328 будзе змекчанае пакаранне і прадугледжаная амністыя.
- 19 красавіка ў Пасланні да народу і парламенту Аляксандр Лукашэнка заявіў, што амністыі асуджаным па «наркатычным» артыкуле «не будзе ніколі». Разам з тым, ён адзначыў, што пакаранне можа быць зменшанае ў персанальным парадку для спажыўцоў наркотыкаў, але не для распаўсюднікаў. Ён паабяцаў «вярнуцца да гэтага пытання» і абмеркаваць тэму з праваахоўнікамі яшчэ раз.
ДР belsat.eu
