Працаўнік «Thomson Reuters» (кампанія-уласнік інфармацыйнага агенцтва «Reuters») прыйшоў на працу са зброяй і быў затрыманы.
Мясцовая паліцыя пацвердзіла, што прагучала два стрэлы. Ніхто не пацярпеў. Праваахоўнікі не падаюць інфармацыі пра тое, хто страляў.
30-гадовы грамадзянін Беларусі, прыйшоў на працу (офіс кампаніі ў Гдыні) каля 19:00.
Паводле крыніц, блізкіх да кампаніі «Reuters», здарэнне было выпадковасцю, піша svaboda.org. Беларус хацеў паказаць свой пісталет аднаму з калегаў. Калі зброю ўбачылі іншыя, то пачалася паніка. Падчас спробы вырваць у мужчыны пісталет, выпадкова адбыліся два стрэлы.
Ёсць інфармацыя, што страляніна адбылася падчас затрымання, а перад гэтым паліцыю выклікалі, бо мужчына меў пры сабе зброю, але не ўжываў яе — вяртаўся з трэніроўкі ў ціры.
Паводле неафіцыйнай інфармацыі радыё «RMF FM», беларус меў пры сабе пісталет «Glock» і даўгаствольную зброю.
ЮВ, belsat.eu