Уначы ў самым цэнтры Кіева, на вуліцы Уладзімірскай, непадалёк ад Нацыянальнага музею гісторыі Украіны невядомыя здзейснілі стрэл з гранатамёта ў памяшканне рэстарана «Леа».
У выніку выгарала каля 50 квадратных метраў рэстарана. Нападнік уцёк.
Паводле папярэдніх дадзеных пацярпелых няма. Ад выбуху ў доме вылецела шкло ў вокнах, паведамляе «Эспрессо».
Паліцэйскія апыталі персанал установы і канфіскавалі запісы з камер відэаназірання, якія зафіксавалі, як да рэстарана падышоў невядомы і стрэліў з гранатамёта. Тубус ад зброі знайшлі непадалёк ад рэстарана.
Распачатая крымінальная справа.
КА, belsat.eu