Вылет рэйсу SU 1830 з маскоўскага «Шарамецьева» у Менск самалётам Sukhoi Superjet 100-95, прызначаны на 8:35, быў адкладзены на некалькі гадзінаў праз замену судна з тэхнічных прычынаў.
Пра гэта паведаміў журналіст RTVi Ціхан Дзядко, які знаходзіцца ў «Шарамецьева». Паводле яго словаў, вылет спачатку затрымалі да 9:35, затым адклалі на 12:35.
Праз некалькі гадзінаў прадстаўнік кампаніі «Аэрафлот» з афіцыйнага тўітэр-акаунту авіякампаніі паведаміў, што рэйс перанесены ў сувязі з заменай паветранага судна з тэхнічнай прычыны.
Раней, 6 і 7 траўня некалькі рэйсаў з «Шарамецьева» адкладалі, патлумачыўшы гэта «абмежаваннямі ў працы аэрапорту». Гэта адбылося пасля авіякатастрофы 5 траўня, калі «Суперджэт» загарэўся і ў выніку 41 чалавек загінуў.
КА belsat.eu