Частка супрацоўнікаў рэдакцыі гарадскога онлайн часопісу kyky.org часова зʼехала з Беларусі. Пра гэта 29 жніўня паведаміла галоўная рэдактарка kyky.org Наста Рагатка. Яна распавяла, што дырэктар праекту Саша Раманава таксама зʼехала з Беларусі.
Пасля выбараў 9 жніўня kyky.org вельмі актыўна асвятляюць пратэсты ў Беларусі.
Рэдакцыя прыняла рашэнне часова пакінуць Беларусь пасля арышту сузаснавальніка kyky.org, бізнесоўца Аляксандра Васілевіча.
27 жніўня затрымалі бізнесоўца Аляксандра Васілевіча, які валодае рэкламным агенцтвам Vondel / Hepta, галерэяй сучаснага мастацтва «Ў», сайтамі kyky.org і The Village Беларусь. Васілевічу абраная мера стрымання ў выглядзе заключэння пад варту.