Не менш за 22 чалавекі былі забітыя ў выніку нападу ўзброенай групы людзей на вёску на захадзе Камеруна. Трагедыя адбывалася ў рэгіёне, што ўжо некалькі гадоў ахоплены паўстанцкім рухам. Пра гэта паведамляе Reuters.
У ААН сцвярджаюць, што ўзброеныя людзі ў масках расстрэльвалі жанчын і дзяцей, спальвалі людзей у сваіх дамах. У выніку разні загінулі мінімум 22 чалавек, у тым ліку 14 дзяцей (некаторым з якіх было менш за пяць гадоў).
Трагедыя адбылася на тэрыторыі, ахопленай паўстанцкім рухам. Улады Камеруну з 2017 года змагаюцца з сепаратыстамі, якія ў аднабаковым парадку абвесцілі на англамоўных тэрыторыях незалежную дзяржаву Амбазонію. Франкамоўная кіроўная эліта Камеруну і прэзідэнт Поль Бія не прызнаюць незалежнасць Амбазоніі і лічаць паўстанцаў тэрарыстамі. Ад пачатку баёў загінулі мінімум 3000 чалавек, дзясяткі тысячаў сталі ўцекачамі. Праваабаронцы абвінавачваюць абодва бакі канфлікту ў парушэнні правоў чалавека.
Адказнасць за напад на вёску ніхто на сябе не ўзяў. Сепаратысты вінавацяць у разні ўрадавую армію, аднак улады датычнасць да нападу зняпраўджваюць.
ІІ belsat.eu