Магілёўскія міліцыянты затрымалі 61-гадовага пенсіянера, які выйшаў на вуліцу з пісталетам, паведамляе Упраўленне ўнутраных справаў Магілёўскага аблвыканкаму.
«Бравіруючы, ён размахваў зброяй, праходзячы міма дамоў. Мужчыну не бянтэжыла, што ён праходзяць міма магілёўцаў, сярод якіх былі і падлеткі, і маленькія дзеці», – гаворыцца ў паведамленні прэс-службы УУС Магілёўскага аблвыканкаму.
Пенсіянер распавёў міліцыянтам, што знайшоў самаробную агнястрэльную зброю некалькі гадоў таму. Некалькі дзён таму ён успомніў пра знаходку і вырашыў прайсціся па Магілёву, каб «прадэманстраваць усім сваю рэч».
Пенсіянеру пагражае пакаранне ў выглядзе папраўчых працаў тэрмінам да двух гадоў або арышт, або абмежаванне волі да 5 гадоў, або пазбаўленне волі на тэрмін да 7 гадоў з канфіскацыяй маёмасці.
ЮВ, belsat.eu