Расею абвінавацілі ў стварэнні новых бар’ераў у ЕАЭС

Міхаіл Мясніковіч. Фота: eurasiancommission.org

30 чэрвеня адбылася працоўная нарада Старшыні Калегіі Еўразійскай эканамічнай камісіі Міхаіла Мясніковіча і чальцоў Калегіі ЕЭК Серык Жумангарина і Гегама Варданян з міністрам прамысловасці і гандлю Расеі Дзянісам Мантуравым.

Абмеркаваныя пытанні, звязаныя з забеспячэннем доступу прамысловай прадукцыі краін ЕАЭС да дзяржаўных закупках Расеі ў сувязі з прыняццем пастановы ўраду РФ ад 30 красавіка № 616.

«З гэтай нагоды ёсць звароты дзяржаўных органаў Беларусі і Казахстана, цэлага шэрагу міністэрстваў. Шмат зваротаў ад гаспадарчых суб’ектаў. Бакі занепакоеныя тым, што пачатак ужывання пастановы № 616 у Расейскай Федэрацыі прывядзе да ўзнікнення новага гандлёвага барʼера», – падкрэсліў Міхаіл Мясніковіч.

Паводле бакоў, ужо зафіксаваныя адмовы ва ўдзеле ў дзяржаўных і муніцыпальных закупках на тэрыторыі РФ. І прадстаўнікі шэрагу дзяржаў ЕАЭС і ЕЭК лічаць неабходным змяніць такую сітуацыю.

2 ліпеня плануецца разгледзець магчымыя варыянты ліквідацыі перашкод на адзіным рынку і забеспячэння доступу гаспадарчых субʼектаў краін Саюзу да дзяржаўных закупак Расеі.

Таксама вырашана паведаміць Расеі аб неабходнасці выканання права Еўразійскага эканамічнага саюзу. Дзеянні Рассельгаснагляду па забароне паставак у Расею і перамяшчэння праз яе тэрыторыю ў дзяржавы-чальцы Саюзу ялавічыны з беларускіх прадпрыемстваў Калегія кваліфікуе як барʼер на ўнутраным рынку ЕАЭС. Пастаўкі ў Расею беларускай ялавічыны прыпыненыя Рассельгаснаглядам з канца 2019 года.

МГ belsat.eu

Падпісвайся на telegram Белсату

Hавiны