Варыянт перакрыцця Беларуссю транзіту нафты з Расеі па нафтаправодзе «Дружба» міністр энергетыкі РФ Аляксандр Новак назваў немэтазгодным форс-мажорам і адзначыў, што ў Расеі ёсць варыянты пераарыентацыі нафты з «Дружбы» ў парты, піша interfax.ru.
На мінулым тыдні Аляксандр Лукашэнка даручыў распачаць рамонт нафтаправоду ў выпадку неабходнасці.
«Тое дабро, якое мы робім для Расейскай Федэрацыі, яно нам пастаянна абарочваецца злом», – заявіў Лукашэнка.
Даручэнне прэзідэнта стала рэакцыяй на абмежаванне паставак садавіны ў Расею.
Транзіт расейскай нафты ў Польшчу, Нямеччыну, Украіну, Венгрыю, Славакію, Чэхію праз Беларусь адбываецца па нафтаправодзе, які належыць дзяржаўнаму ААТ «Гомельтранснефть Дружба». Праз Беларусь праходзіць каля чвэрці нафтавага экспарту Расеі.
ЮВ belsat.eu
